1. INTRODUCCIÓN:

Na actualidade, a calidade dos productos alimenticios ten cobrado unha grande importancia, polo que é fundamental, de cara ao futuro, pensar nun mercado
cada día mais esixente no relativo á seguridade alimentaria, así como na orixe natural dos productos e rexeitamento a productos sintéticos, sobre todo cando ditos productos van dirixidos a alimentación animal para posterior consumo das persoas. A partir dos casos de vacas tolas por consumo de fariñas de carne, gripe aviaria, ou a aparición de dioxinas en cantidades prexudiciais en alimentos, a opinión pública é moi susceptible á orixe e trazabilidade dos productos de orixe animal, de alí o esforzo en lograr unha nutrición axeitada e natural dos animais, mediante productos naturais.

O desenvolvemento sostible da Acuicultura, depende, en gran medida, da óptima utilización dos nutrientes polas especies cultivadas e do mantemento da calidade da auga. Para isto é fundamental a utilización de materias primas de alta calidade nutritiva nas dietas. A fariña de peixe, unha das materias primas mais importantes nas dietas de especies acuáticas, e á súa vez é un producto limitado, segundo estimacións da FAO. Por iso é fundamental para manter a acuicultura, o lograr maior dixestibilidade de productos de orixe vexetal e ao mesmo tempo mellorar o aproveitamento de subproductos de alta calidade non utilizados ata o momento.

Neste proxecto tratouse de ver a viabilidade, dende o punto de vista nutricional, da incorporación como posible ingrediente en dietas para especiesacuáticas, do cefalotórax do cangrexo vermello, Chionoecetes opilio, subproducto das capturas que na actualidade non é aproveitado.

Descarga do documento completo